Partisipa iha Portál Servisu Sentral apoia parseria Austrália ho Timor-Leste nian
Portál Servisu Sentral mak baze operasionál ba Parseria Timor-Leste Austrália ba Saúde, Edukasaun no Direitu Ema ho Defisiénsia. Ami buka profisionál ne'ebé iha kapasidade no hela iha Timor-Leste, ba posisaun tempu naruk nu'udar Ofisiál, Ofisial Senior ka Espesialista / Manager iha área finansa, subsídiu (grants), rekursu umanu, aprovizionamentu, lojístika, fleet/frota, administrasaun no operasaun jerál no jestaun.
Prefere aplika offline?
Aplika iha ami-nia eskritóriu iha Dili.
Foto la karrega hodi poupa dadus
Ita haree versaun simples tanba ita-nia ligasaun neineik.
Ekipa apiou ba Australia no Timor-Leste nia parseria dezenvolvimentu umanu
Parseria dezenvolvimentu Austrália no Timor-Leste nia objetivu mak atu kontribui ba Timor-Leste ida ne'ebé iha dame, estável, prósperu no reziliente. Base prinsipál atu alkansa objetivu ida-ne'e mak hadi'a rezultadu sira iha area saúde no edukasaun, no haforsa direitu ema ho defisiénsia nomos servisu ne'ebé inkluzivu ba ema ho defisiénsia.
Programa dezenvolvimentu umanu foun tolu, ho durasaun tinan lima, lansa ona iha Timor-Leste: Parseria Timor-Leste Austrália ba Saúde; Parseria Timor-Leste Austrália ba Edukasaun; no Parseria Timor-Leste Austrália ba Direitu Ema ho Defisiénsia. Programa ida-idak iha ninia ekipa téknika rasik ne'ebé foka ba rezultadu servisu iha setór ida-idak.
Portál Servisu Sentral apoia programa tolu refere. Portál Servisu Sentral mak unidade espesífiku ida ne'ebé fornese apoiu sentralizadu iha finansa, subsídiu/grants, rekursu umanu, aprovizionamentu, lojístika, frota/fleet, no administrasaun. Nune'e programa ida-idak bele foka ba implementasaun, servisu tuir padraun ne'ebé aas no konsistente, no atinje efisiénsia kobre parseria hotu.
Iha Portál Servisu Sentral, ami loke hela Aplikasaun ba Servisu (EOI) hodi ajuda harii ekipa profesional lokal ba posisaun tempu naruk iha Timor-Leste: Ekipa profesional ne'ebe mak bele harii sistema ne'ebe forte, kredivel no bele halo sistema sira funsiona ho di’ak hodi suporta programa tolu temi ona iha leten, parseiru servisu sira no instituisaun lokal sira.
Prontu atu fó kontribuisaun ne'ebé signifikativu?
Agora ami simu Aplikasaun ba Servisu (EOI) ba posisaun tempu naruk ba pesoál lokál iha Portál Servisu Sentral. Rejista ohin atu ajuda lori Timor-Leste no Austrália ba pasu tuir mai hodi apoiu ba dezenvolvimentu umanu.
Rejista ita-nia interese/Aplikasaun