Kona-ba Plataforma Servisu Partilladu
Tanba sá mak hola parte, sé mak ami buka, oinsá atu aplika, no saida mak signifika hola parte iha Espresaun Interese.
Tanba sá mak partisipa iha Portál Servisu Sentral nia Aplikasaun ba Servisu (EOI)?
Hola parte iha ekipa ne'ebé suporta programa dezenvolvimentu boot tolu la'o ho di'ak. Ami valoriza profisionál sira ne'ebé harii sistema ne'ebé kredivel, serbisu ho diak ba nia ema sira no haforsa kapasidade lokál.
Fasilita impaktu iha setór tolu
Ita-nia servisu apoia programa saúde, edukasaun no direitu ema ho defisiénsia iha tempu ne'ebe hanesan, hodi fó ba programa sira-nia ekipa apoiu finansa, subsídiu, rekursu umanu, aprovizionamentu no lojístika ne'ebé sira presiza hodi implementa programa.
Harii sistema ne'ebé forte
Ajuda estabelese no jere sistema korporativu tuir padraun Governu Austrália nian kona-ba akuntabilidade, valór ba osan (value for money), salvaguarda (safeguarding) no jestaun risku.
Harii relasaun sira
Servisu hamutuk no besik liu ba ekipa programa nian, Embaixada Austrália, homólogu governu nian, parseiru no fornesedór sira, no haree rezultadu reál husi ita-nia servisu.
Sé mak ami buka/presiza
Aplikasaun ba Servisu (EOI) refere ba ema ne'ebé hela iha Timor-Leste no aplika ba servisu tempu naruk nu'udar pesoál lokál iha nivel Ofisiál, Ofisial Senior no Espesialista / Manager sira.
Finansa
Ofisiál, Ofisial Senior no Espesialista / Manager sira iha área kontas atu selu no simu prosesamentu saláriu, rekonsiliasaun bankária, orsamentu no previzaun, kumprimentu fiskál no legál, relatóriu finanseiru, preparasaun auditoria no kontrolu finanseiru.
Subsídiu
Ofisiál, Ofisial Senior no Espesialista / Manager sira iha área administrasaun subsídiu, due diligence no avaliasaun kapasidade parseiru, akordu subsídiu, monitorizasaun ba dezembolsu no justifikasaun (acquittal), relatóriu subsídiu no monitorizasaun kumprimentu.
Rekursu humanu
Ofisiál, Ofisial Senior no Espesialista / Manager sira iha área rekrutamentu no orientasaun ba funsionáriu foun, kontratu servisu no kumprimentu Lei Traballu Timor-Leste nian, dadus saláriu no administrasaun lisensa, prosesu avaliasaun dezempeñu, aprendizajen no dezenvolvimentu, bem-estar funsionáriu no rejistu Rekursu Humanu.
Aprovizionamentu
Ofisiál, Ofisial Senior no Espesialista / Manager sira iha área planeamentu aprovizionamentu, kotasaun no konkursu (tender), due diligence no verifikasaun fornesedór, orden kompra no administrasaun kontratu, avaliasaun valór ba osan (value for money), rejistu ativu no kumprimentu ba rejimentu aprovijionamentu Commonwealth nian
Lojístika
Ofisiál, Ofisial Senior no Espesialista / Manager sira iha área arranju viajen no akomodasaun, lojístika ba eventu no workshop, transporte sasán no ekipamentu, kontrolu stok, no koordenasaun vistu, lisensa no seguransa viajen.
Fleet (Frota)
Ofisiál, Ofisial Senior no Espesialista / Manager sira iha área jestaun oráriu no dispaxu veíkulu, jestaun motorista no seguransa estrada, manutensaun no servisu ba veíkulu, kontrolu kombustível no livru-rejistu (logbook), no rejistu no seguru veíkulu.
Administrasaun
Ofisiál, Ofisial Senior no Espesialista / Manager iha área jestaun eskritóriu no fasilidade, resepsaun no atendimentu públiku, jestaun arkivu no kontrolu dokumentu, korrespondénsia, materiál eskritóriu no apoiu administrativu ba ekipa programa sira.
General operations and management
Officers, Senior Officers and Specialists / Managers in day-to-day office operations, coordinating finance, human resources, procurement, logistics, fleet and administration work, team leadership, operational planning, and policy and compliance oversight.
Posisaun servisu
Aplikasaun ba Servisu (EOI) ne'e kobre posisaun servisu ualu: Finansa, Subsídiu/grants, Rekursu Umanu, Aprovizionamentu, Lojístika, Frota/Fleet, Administrasaun no Operasaun Jerál no Jestaun. Ita submete aplikasaun ida de'it no hili posisaun hotu ne'ebé ita interese; ita la presiza aplika separadu/ aplika ba posisaun serivsu ida-idak. Ami sei avalia se ita kumpre padraun/kriteria mínimu ba posisaun servisu ida-idak ne'ebé ita hili no iha nivel servisu saida - Ofisiál, Ofisial Senior ka Espesialista / Manager. Ita bele hetan rezultadu apropriadu/adekuadu ba posisaun nivel servisu balun maibé la adekuadu ba posisaun no nivel servisu hotu ne’ebe ita hili, depende ba kapasidade ne'ebé ita hatudu. Ami bele konsidera ita ba kargu ida de'it, se ita hetan aprovasaun ona ba posisaun no nivel servisu ne'e.
Oinsá atu aplika
Ita aplika dala ida de'it, liuhosi formuláriu online ida ho pasu tolu. Atu ajuda ita, diak liu prepara rekesitu sira tuir mai ne'e molok komesa.
Pasu tolu ne'e mak
- Pasu 1: ita-nia dadus pesoál no kontaktu.
- Pasu 2: ita-nia empregadór atuál no anterior, ita-nia esperiénsia ba indústria ida ne'ebe, posisaun servisu sira ne'ebé ita aplika ba no durasaun esperiénsia.
- Pasu 3: ita-nia disponibilidade, tipu no servisu nivel, ita-nia resposta ba kritériu selesaun, ita-nia referénsia sira no ita-nia CV.
Ita bele aplika iha lian Tetun, Inglés ka Bahasa Indonézia, online ka iha papél.
Saida mak ita presiza
- CV atualizadu iha formatu PDF (másimu 5MB).
- Naran, enderesu email no númeru telefone husi referénsia na'in-rua ka liu. Ami sei kontaktu referénsia sira wainhira ita hetan konsiderasaun ba posisaun espesífiku ida.
- Posisaun servisu ne’ebe ne'ebé ita boot hili ba (Finansiamentu, Subsidiu/Grants, Rekursu Umanu, Aprovisionamentu, Lojistika, Frota/Fleet, Administrasaun no Operasaun Jerál no Jestaun) no nivel servisu ne'ebé ita aplika ba (Ofisial, Ofisial Senior ka Espesialista / Manager).
- Hakerak resposta (too liafuan 400/kritériu selesaun) ba kritériu selesaun neen tuir mai ne'e.
Kritériu selesaun
- Esperiénsia profisionál: ita-nia istória servisu, organizasaun sira ne'ebé ita servisu ona ba, ita-nia nivel senioridade no kargu sira ne'ebé ita responsavel ona ba.
- Esperensia téknika/Espesialidade: ita-nia abilidade, koñesimentu no kualifikasaun iha posisaun servisu sira ne'ebé ita hili, ho ezemplu sistema, prosesu ka funsaun sira ne'ebé ita lidera ka kontribui ba.
- Koñesimentu no kontestu lokál: ita-nia koñesimentu no esperiénsia servisu iha Timor-Leste, hanesan lei no regulamentu lokál, sistema governu, lian lokál no merkadu fornesedór lokál.
- Envolvimentu no komunikasaun ho parte interesada/stakeholder: oinsá ita servisu hamutuk ho ekipa programa, jestór, doadór, ajénsia governu, organizasaun parseiru no fornesedór sira.
- Implementasaun no rezultadu sira: ezemplu rezultadu sira ne'ebé ita atinje ona, no oinsá ita jere kualidade, kalendáriu/prazu sira, kumprimentu no akuntabilidade.
- Safeguarding, GEDSI no étika konduta: ita-nia komprensaun no kompromisu ba safeguarding, protesaun ba labarik, PSEAH (prevensaun ba esplorasaun, abuzu no asédiu seksuál), igualdade jéneru, inkluzaun defisiénsia no étika konduta.
Partisipa iha Aplikasaun ba Servisu (EOI) signifika saida?
Komprende prosesu no ita nia espektasaun se ita-nia Aplikasaun ba Servisu (EOI) ne'e susesu.
Elejibilidade pre-verifikasaun
Submete Aplikasaun ba Servisu (EOI) la'ós oferta servisu, no hetan rezultadu apropriadu/adekuadu la garante katak ita sei hetan oferta servisu. Ita kompete dala ida de'it, liuhosi Aplikasaun ba Servisu (EOI) ne’ebe nakloke no liuhosi avaliasaun kompletu ida. Aplikasaun sira hetan pontuasaun tuir kritériu selesaun neen ne'ebé publika ona, dala ida ba posisaun servisu ida-idak ne'ebé ita hili. Atu hetan rezultadu apropriadu/adekuadu ba posisaun no nivel servisu ida, ita presiza pontuasaun totál pelumenus 70%, no pelumenus 50% iha kritériu ida-idak, inklui Safeguarding, GEDSI no Étika Konduta. Aplikante sira ne'ebé susesu la aplika klasifikasaun ba. Ema hotu ne'ebé kumpre padraun/kriteria mínimu ba posisaun no nivel servisu ida iha elejibilidade hanesan atu hetan konsiderasaun bainhira iha posisaun ne'ebé adekuadu anunsia sai. Liuhosi asisténsia instrumentu AI ajuda triajen inisiál, maibé ekipa Rekursu Humanu mak foti desizaun hotu-hotu kona-ba aplikate ne'ene mak apropriadu/adekuadu.
Posisaun ba tempu naruk ba pesoál lokál
Aplikasaun ba Servisu (EOI) ne'e loke ba posisaun servisu ba tempu naruk nu'udar pesoál lokál iha Portál Servisu Sentral , ho baze iha Timor-Leste, iha nivel Ofisiál, Ofisial Senior ka Espesialista / Manager.
Nomeasaun halo liuhosi kontratu hakerek ho prazu determinadu tuir Lei Traballu Timor-Leste nian. Saláriu determina tuir grau kargu nian iha eskalaun saláriu pesoál nasionál Cowater nian, no aplika prinsípiu saláriu hanesan ba servisu ho valór hanesan.
Posisaun espesífiku programa nian, inklui posisaun ba Team Leader, Deputy Team Leader no Manager, kargu konselleiru/advisor ba tempu badak no pesoál xave, sei rekruta liuhosi prosesu ketak ida.
Oinsá halo nomeasaun
Ba posisaun ida ne'ebé hetan aprovasaun anunsia/publika, ami verifika sei aplikante susesu hotu ba posisaun no nivel servisu ne'e tuir rekizitu posisaun nian, no enkaixa ema hotu ne'ebé kumpre rekizitu ba lista badak (shortlist). Se ita tama lista badak, ami sei kontaktu ita no husu ita atu konfirma liuhosi karta ida iha loron servisu 5 nia laran, katak ita bele komesa servisu iha tempu ne'ebé presiza.
Depende ba kargu, ami bele halo entrevista ba aplikante ida ka liu iha lista badak. Tama lista badak la garante entrevista. Entrevista halo ho estrutura no avalia tuir rekizitu posisaun nian. Molok konfirma oferta ruma, ami halo verifikasaun referénsia nain rua, triajen safeguarding (inklui verifikasaun rejistu polísia bainhira presiza), verifikasaun sansaun no bandu (debarment), verifikasaun kualifikasaun esensiál no deklarasaun konflitu interese. Se laiha aplikante susesu ne'ebé adekuadu, kargu ne'e sei anunsia ba públiku, no ema hotu ne'ebé hetan rezultadu adekuadu liuhosi Aplikasaun ba Servisu (EOI) ne'e bele aplika. Aplikante susesu ne'ebé rejeita oferta servisu dala tolu la ho razaun ne'ebé loos durante períodu ne'e, sei la hetan konsiderasaun dal aida tan ba posisaun no nivel servisu ne’e.
Rekrutamentu ne'ebé inkluzivu no asesível
Merit Pool ne'e nakloke ba sidadaun Timor-oan no ema hotu ne'ebé hela iha Timor-Leste. Laiha aplikante ida mak hetan vantajen ka dezvantajen tanba nasionalidade, seksu, etnika, relijiaun, defisiénsia ka idade. Ami enkoraja maka'as kandidatu Timor-oan no ema ho defisiénsia atu aplika, no ami simu aplikasaun husi feto sira. Ita bele aplika iha lian Tetun, Inglés ka Bahasa Indonézia, online ka iha papél. Se ita presiza ajustamentu atu partisipa iha prosesu selesaun ka iha posisaun ida, hanesan asesu ba formatu asesível, dalan alternativa ba komunikasaun ka akomodasaun iha fatin servisu, fó-hatene ami iha etapa saida de'it no ami sei servisu hamutuk ho ita atu prepara asistensia hirak ne'e. Informasaun kona-ba ajustamentu, defisiénsia no esperiénsia moris nias sei rai seguru iha fatin seluk/separadu husi ita-nia aplikasaun no la afeta ita-nia pontuasaun.
Ita-nia rezultadu EOI válidu to'o bainhira?
Períodu Aplikasaun ba Servisu (EOI) ne'e nakloke durante fulan 18 hahú husi [data anúnsiu]. Bainhira períodu ne'e taka, rezultadu hotu husi períodu ne'e la válidu tan ona, no sei anunsia períodu foun. Aplikante susesu sira ne'ebé seidauk hetan kargu bele aplika fali. Funsionáriu sira ne'ebé existe nanis ona, sei liuhosi prosesu aplikasaun ho hetan kondisaun hanesan ho ema seluk.
Rezultadu, feedback no keixa
Aplikante ida-idak sei hetan informasaun liuhosi karta kona-ba rezultadu ba posisain servisu ida-idak ne'ebé nia hili, no bele husu feedback. Se ita iha preokupasaun kona-ba prosesu rekrutamentu, ita bele hato'o keixa ba ekipa Rekursu Humanu rejionál ka sede Cowater nian, ne'ebé independente husi Portál Servisu Sentral. Ami sei hatán keixa sira iha loron servisu nia laran, no fó rezultadu iha loron 30 nia laran.
Prontu atu fó kontribuisaun ne'ebé signifikativu?
Agora ami simu Aplikasaun ba Servisu (EOI) ba posisaun tempu naruk ba pesoál lokál iha Portál Servisu Sentral. Rejista ohin atu ajuda lori Timor-Leste no Austrália ba pasu tuir mai hodi apoiu ba dezenvolvimentu umanu.
Rejista ita-nia interese/Aplikasaun