Objetivu husi Aplikasaun ba Servisu (EOI)
Cowater International Inc, utilisa Aplikasaun ba Servisu (EOI) ne'e atu identifika ema ne'ebé iha kualifikasaun adekuadu ba posisaun tempu naruk nian nu'udar pesoál lokál iha Portál Servisu Sentral ne'ebé apoia Parseria Timor-Leste Austrália ba Saúde, Edukasaun no Direitu Ema ho Defisiénsia. Posisaun ba tempu naruk ne'e kobre kargu Oficial, Oficial Sênior no Espesialista sira ne'ebe hela iha Timor-Leste. Kandidatu sira kompete dala ida de'it liuhosi Aplikasaun ba Servisu (EOI) ida ne’ebe nakloke, no lihosi prosesu avaliasaun ida ne’ebe kompletu. Hafoin, Portál Servisu Sentral sei halo nomeasaun ba kandidatu sira ne'ebé susesu wainhira posisaun servisu ne’ebe kandidatu sira aplika ba hetan ona aprovasaun ka anunsia ona ba publiku no sei la anunsia fila fali posisaun servisu sira ne'e. Hetan resultadu apropriadu/adekuadu iha prosesu registrasaun ba Aplikasaun ba Servisu (EOI), lahanesan ka laos katak hetan ona oferta servisu.
Avaliasaun Bazeia ba Méritu
Aplikasaun sira avalia bazeia ba méritu, tuir kritériu selesaun neen ne'ebé publika ona: esperiénsia profisionál; esperénsia téknika; koñesimentu no kontestu lokál; envolvimentu no komunikasaun ho parte interesada; implementasaun no rezultadu; no safeguarding, GEDSI no étika konduta. Kada aplikasaun avalia dala ida, tuir posisaun no nivel servisu ida-idak ne'ebé aplikante hili. Avaliasaun halao ho justu, transparente no tuir prátika di'ak rekrutamentu setór públiku nian, no laiha aplikante ida mak hetan vantajen ka dezvantajen tanba nia nasionalidade, seksu, etnika, relijiaun, defisiénsia ka idade.
Atu hetan rezultadu adekuadu ba posisaun no nivel servisu ida, aplikante presiza pontuasaun totál pelumenus 70%, no pelumenus 50% ba kritériu selesaun ida-idak. Aplikante ida bele kumpre padraun/kriteria mínimu ba posisaun servisu no nivel balun deit, laos ba posisaun servisu no nivel seluk mos. Aplikante susesu sira la hetan klasifikasaun ruma: aplikante ida-idak ne’ebe kumpre ona padraun mínimu, iha elejibilidade hanesan atu hetan nomeasaun ba kargu iha posisaun no nivel servisu ne'ebé nia klasifika ba.
Wainhira iha posisaun servisu ida hetan aprovasaun no anunsia, aplikante sira ne'ebe susesu ba posisaun no nivel servisu ne'e, sei tama lista badak basea ba rekizitu posisaun ne'e nian, no hetan konvite ba entrevista ho estrutura. Cowater sei kontaktu referénsia sira no halo verifikasaun integridade molok konfirma oferta ruma. Prosesu ne'e bele inklui kontaktu ema ne'ebé aplikante la nomeia nu'udar referénsia, bainhira presiza hodi responde ba prosesu due diligence.
Aplikante hotu sei hetan informasaun liuhosi karta notifikasaun kona-ba rezultadu hosi sira-nia aplikasaun ba posisaun servisu ida-idak ne'ebé sira hili, no bele husu feedback. Kondisaun no prosesu aplikasaun ba posisaun servisu ne’e aplika mos ba funsionáriu sira ne'ebé rekruta nanis ona.
Deklarasaun Safeguarding no Integridade
Liuhusi submete aplikasaun ne'e:
- check_circle Ita deklara katak ita nunka komete, no nunka hetan akuzasaun ba, esplorasaun labarik ka krime ne'ebé relasiona ho ne'e.
- check_circle Oferta ba posisaun servisu sei kondisional/seidauk fixu, hodi hein resultadu satisfatóriu prosesu verifikasaun hosi testemuña sira; triajen safeguarding tuir Polítika Protesaun Labarik no Polítika PSEAH DFAT nian, inklui verifikasaun rejistu polísia bainhira presiza; verifikasaun kualifikasaun esensiál; deklarasaun konflitu interese; no medida triajen seluk tuir padraun Cowater no DFAT nian.
- check_circle Kumprimentu ba rekizitu saúde, seguransa no viajen ne'ebé aplikável, inklui husi nasaun uma-nain no instituisaun parseiru, sei aplika deit ba posisaun servisu balun.
Uza AI iha Avaliasaun Inisiál
Cowater uza instrumentu asisténsia AI atu suporta triajen inisiál ba Aplikasaun ba Servisu (EOI) tuir kritériu kompeténsia esensiál sira iha kritériu selesaun neen no ita-nia CV. Aplikasaun ne'ebé submete iha papél ka liuhosi email, ekipa Rekursu Humanu mak sei tama ba portál no halo triajen ho dalan hanesan. Pontuasaun AI nian ne'e hanesan fo konsellu de'it. Ekipa Rekursu Humanu Cowater nian sei revee aplikasaun hotu ne'ebé pasa hosi instrumentu asisténsia AI, aplikasaun hotu ne'ebé besik ba limite atu pasa, no amostra random sira husi aplikasaun ne'ebé la pasa liuhosi instrumentu asistésia AI; nune’e ekipa ne’e mak sei deside aplikate sira ne’ebe apropriadu/adekuadu. Instrumentu asisténsia AI sei halo verifikasaun hasoru pontuasaun hosi ekipa Rekursu Humanu molok utiliza ba daluluk, nomos sei halo verifikasaun kontinua kada fulan neen atu konfirma katak prosesu ne’e konsistente, bele identifika bias/tendênsia ruma, ezemplu hasoru aplikante sira ne'ebé hakerek iha lian segundu ka ho CV la tuir padraun. Instrumentu asisténsia AI labele hare ba informasaun kona-ba jéneru, estatutu nudar Timor-oan, defisiénsia, esperiénsia moris no nesesidade ajustamentu.
Informasaun Sensível no Dadus Inkluzaun
Informasaun kona-ba jéneru, estatutu Timor-oan, defisiénsia, esperiénsia moris no nesesidade ajustamentu ne'e opsionál no rekolla ketak/separadu, ho ita-nia konsentimentu. Triajen AI no avaliadór sira la bele haree informasaun ne'e no ne'e la afeta ita-nia ba pontu sira. Informasaun triajen ne'e uza de'it atu halo ajustamentu ne'ebé razoavel no atu monitoriza inkluzaun. Dadus inkluzaun relata ba DFAT de'it iha forma agregada.
Rekolla no Uza Informasaun Pesoál
Informasaun pesoál ne'ebé submete liuhosi Aplikasaun ba Servisu (EOI) uza de'it ba objetivu rekrutamentu. Nunee'e bele uza atu:
- avalia ita-nia apropriasaun ba Aplikasaun ba Servisu (EOI) ne'e no ba posisaun sira ne'ebé mosu durante períodu aplikasaun loke ba publiku.
- kontaktu ita kona-ba posisaun, entrevista no verifikasaun molok oferta
- prepara kontratu se ita hetan oferta ba posisaun ida
- kumpre rekizitu legál, rekezitu husi doadór, rekezitu auditoria no kontratuál, inklui obrigasaun safeguarding no probidade
Pesoál Cowater ne'ebé hetan autorizasaun, no/ka The Asia Foundation, ka fornesedór servisu kontratadu seluk ne'ebé apoia hosting Sistema, ka administrasaun rekrutamentu bele asesu informasaun ne'e. Fornesedór sira-ne'e iha obrigasaun atu mantein konfidensialidade no seguransa dadus. Ekipa Compliance husi Cowater bele revee rejistu rekrutamentu nu'udar parte husi ninia auditoria anuál ba desizaun avaliasaun no nomeasaun. Informasaun pesoál trata tuir obrigasaun privasidade iha kontratu Cowater ho DFAT.
Informasaun ne'ebé Rai
Informasaun bele inklui detallu kontaktu, dokumentu identidade, kualifikasaun, istória servisu, informasaun remunerasaun (bainhira relevante ba nomeasaun), no informasaun ne'ebé presiza atu kumpre obrigasaun kumprimentu ka safeguarding.
Seguransa Dadus
Protesaun Téknika
Cowater aplika medida protesaun administrativa, téknika no fízika ne'ebé apropriadu atu proteje informasaun pesoál husi asesu la autorizadu, lakon ka uza sala.
Kontrolu Asesu
Asesu limita de'it ba ema ne'ebé iha nesesidade lejítimu relasiona ho sira-nia knaar.
Validade no Retensaun Informasaun
Períodu Aplikasaun ba Servisu (EOI) ne'e nakloke durante fulan 18 hahú husi data anúnsiu. Ita-nia informasaun, ho ita-nia konsentimentu sei rai ho seguru, durante períodu ne'e tomak. Bainhira períodu Aplikasaun ba Servisu (EOI) taka, rezultadu hotu husi períodu ne'e la válidu ona, no aplikante susesu sira ne'ebé seidauk hetan posisaun bele aplika fila fali iha períodu tuir mai. Rejistu/informasaun rekrutamentu sira-ne’e seguru ba períodu ne'ebé rekere tuir kontratu Cowater ho DFAT, no bele identifika ba objetivu estatístiku ka relatóriu.
Asesu no Korresaun
Tuir lei ne'ebé aplikável, ema ida-idak bele husu asesu ka korresaun ba ninia informasaun pesoál. Ema ida-idak iha responsabilidade atu asegura katak informasaun ne'ebé fó sempre loos no atualizadu.
Keixa
Keixa kona-ba prosesu rekrutamentu hato'o ba ekipa RH rejionál ka sede Cowater nian, ne'ebé independente husi operasaun Portál Servisu Sentral, liuhosi [Cowater HR complaints email]. Ami sei hatán keixa sira iha loron servisu nia laran, no fó rezultadu iha loron 30 nia laran. Ita mós bele hato'o preokupasaun ho konfidensiál liuhosi kanál denúnsia (whistleblower) Cowater nian [link].
Deklarasaun
Ho submete ita-nia aplikasaun Aplikasaun ba Servisu (EOI), ita rekoñese katak:
- task_alt hetan rezultadu adekuadu la garante nomeasaun;
- task_alt informasaun ne'ebé fó loos no koretu;
- task_alt informasaun falsu ka laloos bele halo ita la hetan konsiderasaun;
- task_alt ita fó konsentimentu ba rekolla no uza ita-nia informasaun ba objetivu sira ne'ebé temi iha leten;
- task_alt ita-nia rezultadu Aplikasaun ba Servisu (EOI) la válidu ona, bainhira períodu ne'e taka, fulan 18 hahú husi data anúnsiu, no ita presiza aplika fali iha períodu tuir mai.